Troch: Anneke de Vries
10 Augustus
Manmachtich binne de Eastermarders ôfreizige nei de Lemmer foar de ien nei lêste dei fan it IFKS skûtsjesilen. Hoe soe ús skûtsje it der dizze wedstriiddei fanôf bringe? Nei in wat gaoatysk ferrin by de heechste tonne giet Eastermar der as earste omhinne. De twadde ronde giet it der wer nuver om en ta by de tonne, Eastermar giet der as fjirde omhinne. Yn de tredde ronde hat Eastermar wer ien ynhelle en nimt no in fjirde posysje yn.
Dan op nei de finish. Soe Eastermar noch tredde wurde kinne!? It spant der lykwols om, de nûmers trije en fjouwer lizze flak byelkoar. De spanning lûkt jim ferslachjouwer frjemd troch it liif. En ja hear! Eastermar slagget der dochs yn om dizze wedstriid as tredde oer de einstreep te gean! De ûntlading is te hearren op it skûtsje. En by de kloften Eastermarders op 'e wâl fansels.
Moarn, 11 augustus, is de lêste syldei, ek wer op 'e Lemmer. Dat is dan de lêste kear dat jo ús skûtsje mei de bemanning yn aksje sjen kinne. It is net sa dreech te finen: jo ride de Lemmer yn en geane oer de brêge rjochts en dan parkeare by de feesttinte oan de linkerkant. Oant moarn!
De útslach fan hjoed:
De Jonge Jan-Jelle Talsma (Warten)
Ulbe Zwaga- Kees Hermsen (Velp)
It doarp Eastermar- Geale Tadema (Eastermar)
Der moat hurd wurke wurde
Fansels binne de supporters ek oanwêzich
In moai plaatsje
Lekker ite Jelmer!
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »
-
- Informatie
- 05 april 2024
Doop skûtsje de Broekophâlder
De Broekophâlders nodigen u van harte uit voor de doop van het skûtsje op 21 april a.s om 14.00 uur!... Fierder lêze »