It skûtsjesylevenemint Lemmer Ahoy dat it ôfrûne himelfeartswykein hâlden waard, makke de bemanning fan it doarp Eastermar net bliid. In 23-ste plak yn ‘e
einklassearring fan 25 dielnimmers yn klasse I wie teloarstellend.
Mar it begûn sa goed mei in tredde plak yn de earste wedstriid op tongersdei. In reedlike start, frij sile yn de earste en iennige rûte (der stie in lytse 3 Bft.) en finishje achter Redbad en Langwar. By de twadde tongersdeiswedstriid rekke ús doarpsskûtsje by it trochkommen fan de ‘gate’ de tonne en moast der in strafrûntsje draaid wurde… Resultaat: in plak yn ‘e achterein fan it fjild.
De earste wedstriid op freed hie in lyksoartich resultaat. Mar noch foar de start fan ‘e twadde wedstriid fan dy dei wie, troch in Eastermarder ynskattingsflater, in oanfarring mei it skûtsje fan Ulbe Zwaga net foar te kommen en moast skipper Geale Tadema mei in stikkene gyk, mar gelokkich sûnder persoanlike ferwûningen, dy wedstriid oan him foarby gean litte.
Dy freedtejûn is der noch mei man en macht wurke om in ferfangende gyk te pleatsen en dat slagge. Sa koe der saterdeitemoarn mei in wynkrêft 5 dochs start wurde, mar it ûngemak fan de dei dêrfoar en it omslaan fan twa oare skûtsjes hie ek syn ynfloed op de bemanning en hja einigen wer by de lêsten. De twadde wedstriid fan ‘e saterdei waard troch de organisaasje fanwege tefolle wyn ôfblaasd.
Achternei besjoen kin men him ôffreegje oft it ferstannich is om mei safolle skippen (25!) in wedstriid te hâlden, mar dat jildt fansels likegoed foar dyselden dy’t der wól goed trochkomme.
It skûtsje bliuwt foarearst yn ‘e Súdwesthoeke om dêr fierdere treningen ôf te wurkjen.
Wijbe Postma
De start fan de earste wedstryd by Lemmer Ahoy
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »
-
- Informatie
- 05 april 2024
Doop skûtsje de Broekophâlder
De Broekophâlders nodigen u van harte uit voor de doop van het skûtsje op 21 april a.s om 14.00 uur!... Fierder lêze »