Eastermar moat in nije doarpsfyzje hawwe. Mar wat is dat eins, in doarpsfyzje?
Dat is in plan dêr’t yn oanjûn wurdt wat – neffens de ynwenners – de winsklike ûntwikkelings binne foar de leefberens fan it doarp. Hoe hâlde wy de leefberens op peil?

Yn in byienkomst wolle wy dêr tegearre mei jo oer neitinke. Mei help fan saneamde tematafels komt in ryk ferskaat oan ûnderwerpen oan de oarder. De tematafels binne:

• Wenjen
• Leefberens
• Duorsumens
• Mienskip/sosjale koheezje
• Foarsjennings

Jo kennis, ûnderfiningen en ideeën binne fan grutte wearde. Elkenien is wolkom! At jo no al jierren yn Eastermar wenje of koartlyn hjir kaam binne – wy hearre graach jo miening.

Wannear en wêr?
Dizze earste byienkomst stiet pland op tongersdei 3 july om 19:30 oere. De krekte lokaasje is noch net dúdlik, dy folget noch.

Graach opjaan

At jo komme dan graach opjaan fia sekretaris.db.eastermar@gmail.com.