Hja makken in kuier troch de buorren. Dizze aktiviteit wie in gefolch fan it 'keapjen' fan dizze doarpskuier op 'e feiling dy't ús gemeentebestjoer yn septimber organisearre hie om jild by mekoar te krijen foar de Simavi-aksje 'Wrâldmemmen'. Doarpsgenoat Wijbe Postma hie dit rûntsje troch Eastermar as kavel ynbrocht.
It selskip fan sân minsken hat earst in besite brocht oan it bedriuw fan Maatskip Atsma oan 'e Lytse Hoarnstwei. Dêrnei waard útlis jûn oer it nije wetterboartersplak en De Kjellingen besjoen. By dit multifunksjonele gebou waard de begelieding fan 'e groep efkes oernaam troch Loltsje van der Zee, ien fan ús doarpsgidsen. Hja naam de ploech mei troch de Beimastrjitte en brocht de gasten op 'e hichte fan wat der oan karakteristike pânen yn 'e doarpskearn te sjen is (foto). By it skûtsje op 'e brêge-ein naam Wijbe it wer fan Loltsje oer. Hy fertelde de gasten wat oer ferskillende skûtsjesaken. It leste ûnderdiel fan 'e kuier wie in slach oer 't rekreaasjegebiet De Komerk. Mei in bakje kofje en in stikje gebak waard yn De Zandloper dizze slagge ferkenning fan ús doarp ôfsletten.
-
- Informatie
- 28 maart 2024
Nijs fan de Iterstùn en it Itersbosk
Groene lentekriebels in de Iterstún: er zijn ladingen groenten gezaaid die straks geplant worden op... Fierder lêze » -
-
- Informatie
- 26 maart 2024
Preamsilen op de mar: 4 maaie 2024
Lykas ferline jier sil ek yn 2024 de Burgumer Mar wer it toaniel wêze fan ferskate wedstriden fan de... Fierder lêze » -
- Informatie
- 24 maart 2024
Keningsdeifeestje
Kontaktpersoan: Frieda FaberTelefoan: 06-21262256 Fierder lêze »