Soe it wol goed komme no't it strjitfestival foar 't earst yn harren 17-jierrige bestean nét op de lêste sasterdei fan augustus plakfine koe? Ja, it kaam folslein goed! Sels de waargoaden hiene it begrepen. De topper fan alle Fryske strjitfestivals kaam as earste oer de streek. Likernôch 6000 minsken wiene tsjûge fan alwer in geweldige Easterbarrenedysje, dy't sûnder haperjen oant alve oere jûns trochdendere.
Och, sûnder haperjen? Ien lyts akkefytsje barde der, doe't tidens it optreden fan GeDoBr by Meerzigt de stroom der útknalde en GeDoBr in pitsstop meitsje moast. It poadium stie blau fan 'e reek. Christiaan en syn team wiene der gau by om it euvel op te lossen en koene de mannen it optreden mei in kwinkslach fierders ôfmeitsje.
En wannear't jo as festival al sa lang oan 'e wei timmerje, dan kin it samar wêze dat bandsjes, dy't men jierren lyn op it Kickstart-bernepoadium sjen en hearre koe, yn dizze edysje op de grutte trailers weromsjocht en routinearre mei rock en country it publyk omfier blaze. Sa njonkenlytsen kin it Easterbarren wol in festival organisearje mei allinne Eastermarder talint.
En as oer in pear jier Syta en Marije it songfestival winne sille, dan kinne de besikers fan it Easterbarren grutsk melde, dat sy it duo doedestiids al 'spot' hiene' mei harren fluwielen kieltsjes. Om mar wat te neamen want ek dizze kear waard eltsenien om it hurtsje ferrast troch optredens fan grutte - en lytse nammen.
De Easterbarrenformule draait op topnivo en kin gewoan trochgean no't, net ûnbelangryk, Boubedriuw Swart foarearst haadsponsor bliuwt. Sels sûnder Jannes Hamstra, dy't fan it begjin ôf yn't bestjoer sitnommen hat mar no it stokje oerdraagt, is dizze strjitfestivalmasine net te stopjen.
De simmer is ôfsluten, it is net oars. Mar wol op in wize dy't noch lang yn 't ûnthâld hingjen bliuwt.
De toppers fan Fryslân (Gurbe Douwstra, Griet Wiersma, Piter Wilkens en Anneke Douma), yn oparbeidzjen mei de toppers fan Eastermar (Koardinaasje en Lechery), litte de Eastermarders drok meisjonge by de iepening fan it Easterbarren
-
- Informatie
- 17 april 2024
Factsheet herstel brug Skûlenboarch
Op 3 februari van dit jaar raakte de brug bij Skûlenboarch zwaar beschadigd door een aanvaring. Het... Fierder lêze » -
- Informatie
- 12 april 2024
Eastermar is...
…nije autoladerij foar it BetterSkip oer. Meikoarten yn funskje. Fierder lêze » -
- Informatie
- 12 april 2024
Oud-Eastermarder Gepke Hoekstra exposeert in KAF
Studenten en alumni exposeren van 27 april t/m 5 mei in de werkruimtes van Kunstacademie Friesland m... Fierder lêze » -
- Informatie
- 12 april 2024
Bedankt Eastermarders
Al mear as 10 jier sammelet Eastermar moanliks produkten yn foar de Voedselbank Tytsjerksteradiel. Fa... Fierder lêze »
-
- Informatie
- 12 april 2024
Eastermarder music night tijdens Dorpsfeest
Beste Eastermarders,Dit jaar staat de 51e editie van het dorpsfeest op de planning! Wij zijn druk be... Fierder lêze »